Kappingin varð, eins og heimsmeistaraskapið, skipað sum ein virtuell kapping á netinum, og luttóku teir føroysku innirógvararnir í ymiskum hølum runt landið og uttanlands.

RSF bjóðaði føroysku rógvarunum at luttaka í fimleikarahøllini í Fuglafirði, og varð hetta gjørt við góðari hjálp frá ÍF Kappróður og Kappróðrarfelagnum Tindi, sum hjálptu við rógvimaskinum og fyriskipan.

Fuglafjarðar kommuna var so beinasom at loyva okkum at brúka fimleikarahøllina í skúlanum til tiltakið, og hetta eydnaðist sera væl.

Tilsamans vóru 90 føroyskir einstaklingar og 2 føroysk lið, sum luttóku í NM meistaraskapunum í ár, har okkara føroysku rógvara vunnu heili 21 gull-, 20 silvur- og 10 bronsuheiðursmerkir hetta vikuskiftið.

RSF vil takka luttakarum, áskoðarum og stuðlum fyri enn eitt sera væleydnað vikuskifti.

Høvuðssponsorur:
Kemilux

Aðrir stuðlar:
Fuglafjarðar kommuna
ÍF Kappróður
Kappróðrarfelagið Tindur