Kappróðrarfelagið Tindur varð stovnað í 2017 í Eysturkommunu, sum fevnir um bygdirnar Leirvík og Gøtu.

Felagið varð stovnað fyri at endurvekja kappróðrarsiðvenjuna í økinum, har róðrarbátar sum Gøtu Tróndur og Leirvíkingur áður vóru virknir.

Síðan stovnan hevur felagið ment seg skjótt. Í 2022 hevði Tindur umleið 200 limir, harav 70 vóru rógvandi limir, og felagið hevði 9 manningar og 7 bátar.

Bátarnir hjá felagnum eru ljósabláir við svørtum stokkum og svartari strípu.

Felagið hevur eisini fingið viðurkenning fyri sítt arbeiði. Í 2022 vann kvinnumanningin á 5-mannafarinum Leikalind gull á Sundalagsstevnuni, sum var fyrsta gullheiðursmerki felagsins.

Somuleiðis varð felagið heiðrað sum Ársins felag á ársins róðrargalla í 2022.

Í 2024 varð spakin settur í til nýtt kappróðrarneyst í Norðragøtu, sum skal hýsa upp til sjey bátum og veita nýmótans venjingarhøli og umklæðingarrúm.

Kappróðrarfelagið Tindur hevur sostatt ment seg frá at vera nýstovnað felag til at gerast ein týðandi partur av kappróðrarsamfelagnum í Føroyum, við sterkari lokalari undirtøku og góðum úrslitum á kappróðrarvøllinum.